Muslim Saleem …9 October 2018 Jo muddat baad pesh e aaina hoon

Muslim Saleem …9 October 2018
Jo muddat baad pesh e aaina hoon
Main apne aap se kaafi juda hoon
Main sheeshe ka bayan jhutlaaoon kaise
Idhar main hoon udhar saaya dikha hoon

Advertisements
Posted in Muslim Saleem's works | Leave a comment

MUSLIM SALEEM – JAB ANDHERE MAIN WO CHHAT PE AATI NAHEEN

MUSLIM SALEEM – 10 OCTOBER 2018
JAB ANDHERE MAIN WO CHHAT PE AATI NAHEEN
CHANDNI BHI KAHEEN MUSKURATI NANEEN
US KE RUKH SAY PALAT KAR JO JAATI NAHEEN
AASMAN PAR DHANKAK RANG PAATI NAHEEN
KOI AAYA HAI SEHN E GULISTAN MAIN
WARNA BAAD E SABA GUNGUNATI NAHEEN
MUTTALA KHAIRIYAT SE JO KAR DETE TUM
GHAM GHULAATA NAHEEN FIKR KHATI NAHEEN
SHAMIYANA SITARON KA BAY-NOOR HAI
BIN TIRE YE FAZA JAGMAGATI NAHEEN

Posted in Muslim Saleem's works | Leave a comment

MUSLIM SALEEM – 4 OCTOBER 2018 REHZANI RAAHBAR HO GAYEE HAI

MUSLIM SALEEM – 4 OCTOBER 2018
REHZANI RAAHBAR HO GAYEE HAI
YE PURANI KHABAR HO GAYEE HAI
JAB SAY UNKI NAZAR HO GAYEE HAI
HAR DAWA KARGAR HO GAYEE HAI
BAY-BASI PUR-ASAR HO GAYEE HAI
BAY-KASI CHARAGAR HO GAYEE HAI
JAB SAY BADLI HAI AADIL KI NEEYAT
HAR KHATA MU’TABAR HO GAYEE HAI
AAGE AANI HAI WAADON KI DALDAL
RAAH AB PUR-KHATAR HO GAYEE HAI
AAPKA SAATH PAAYA TOU JAISE
RAUSHNI HAMSAFAR HO GAYEE HAI

Posted in Muslim Saleem's works | Leave a comment

SANGEET KAY SUREELAY ZAMANAY MAIN JEE KAY DEKH

MUSLIM SALEEM – 23 August 2018
SANGEET KAY SUREELAY ZAMANAY MAIN JEE KAY DEKH
UNNEES SAU PACHAAS KAY ASHRAY MAIN JEE KAY DEKH
GAR JAANANA HAI KAISI HAI JAKDAN NIBAAH KI
TU BHI BANDHAY TIKAY HUAY RISHTAY MAIN JEE KAY DEKH
US KAY LABON PE PHAILI HAI ZEHREELI SI HANSI
MEHNGAAI KEH RAHI KE SASTAY MAIN JEE KAY DEKH
LETA HAI DOOR DOOR SAY NAATAK KA KYUN MAZAA
KIRDAR BAN KAY KHUD HI TAMAASHAY MAIN JEE KAY DEKH
TU RAUSHNI KA DAM PAY HAI ZINDA, MIRI TARAH
TANHAAI KAY AMEEQ ANDHARAY MAIN JEE KAY DEKH

Posted in Muslim Saleem's works | Leave a comment

MUSLIM SALEEM …22 August 2018 ASHKON SAY BEETAY WAQT KY MANZAR BHIGO LIYE

MUSLIM SALEEM …22 August 2018
ASHKON SAY BEETAY WAQT KY MANZAR BHIGO LIYE
JO KOI YAAD AA GAYA US KO HI RO LIYE
HAMKO YAQEEN KARNA THA HAM HAIN BHI YA NAHEEN
AASAAB SO NA JAYEN TOU NASHTAR CHUBHO LIYE
BARSON KI KHAMUSHI PE YUN SHABKHOON MAARIYE
KUCCH HAM SUNAYEN HAAL TOU KUCHH AAP BOLIYE
AAKHIR KO KEH UTHHAY KE JO KEHNA KABHI NA THAA
ITNA KAHAAN THAA SABR KE HAR BAAT TOLIYE
IQBAL, MEER, GHALIB O MUSLIM HAIN BAY-MISAAL
QATRAY HAIN KUCCH JINHON NAY SAMANDAR SAMO LIYE

Posted in Muslim Saleem's works | Leave a comment

MUSLIM SALEEM – 15 MAY 2018 MAQAAM AISA KE IMKAN-E-HADISAAT NAHEEN

maqam aisaMUSLIM SALEEM – 15 MAY 2018
MAQAAM AISA KE IMKAN-E-HADISAAT NAHEEN
JAGAH BATAAO KUCHH AISI JAHAAN PAY GHAAT NAHEEN
FUTOOR ZEHN MAIN ZAN ZAR ZAMEEN KA HAR DAM
FAQEER KEHTA HAI DUNIYA SAY ILTIFAAT NAHEEN
ABHI TOU AUR BHI DARYAAFT HONGAY SAYYARAY
SUKHAN YA YE MERA MIRI SAARI KAINAAT NAHEEN
JIGAR SAY KAAM CHALAA LENGE DIL NAHEEN HAI AGAR
YE SHEESHA TOD DIYA TUMNAY KOI BAAT NAHEEN
KHUDA TOU DEKH RAHAA HAI MIRA AMAL MUSLIM
ZAMANA CHEEKH RAHA HAI TOU KOI BAAT NAHEEN

Posted in Uncategorized | Leave a comment

MUSLIM SALEEM -19 August 2018 Na jafaon na wafaon jaisi

MUSLIM SALEEM -19 August 2018
Na jafaon na wafaon jaisi
pyar ik cheez hai daon jaisi
jinki taseer ho maon jaisi
woh duayen hain dawaon jaisi
jab hukumat na ho, dukh deti hain
adatain farman-rawaon jaisi
daur kaisa hai, watan main nafrat
aaj phaili hai wabaon jaisi
mehfil e husn hai ab bazm e sukhan
indra raja ki sabhaon jaisi

Posted in Uncategorized | Leave a comment

Muslim Saleem – 20 August 2018 bay-yaanay ki shakl bana di hai ham nay

Muslim Saleem – 20 August 2018
bay-yaanay ki shakl bana di hai ham nay
dil par teri muhr laga di hai ham nay
uski anaa kuchh aisay barha di hai ham nay
apni anaa har tarh ghata di ham nay
bay-qadri ki dhoop na tujhko jhulsaye
sheron ki bauchhar laga bana di hai ham nay
chaar ankhon say gup chup baatain kar kar kay
lafzon ki deewar gira di hai ham nay
is main chamakta rang e lahu sindoori hai
aaj ghazal ki maang saja di hai ham nay

Posted in Muslim Saleem's works | Leave a comment

Do ashaar tarannum main (Click link)

https://www.facebook.com/muslim.saleem.1/videos/943801362471300/

Posted in Muslim Saleem's works | Leave a comment

MUSLIM SALEEM — EK LADKI HAI HAWAON JAISI

MUSLIM SALEEM —EK LADKI
EK LADKI HAI HAWAON JAISI
MEHKI MEHKI SI FAZAON JAISI
EK GAYAK KI SADAON JAISI
IK MUSAWWIR KI DUAON JAISI
HUSN HAI SHEHRI HASEENA JAISA
SAADGI USKI HAI GAON JAISI
CHEHRA JAISE HO DAMAKTA SURAJ
ZULF LEHRAYE GHATAON JAISI
SEEKH LAY BAAD E SABA BHI AB TOU
KUCHH ADA USKI ADAON JAISI

Posted in Muslim Saleem's works | Leave a comment

MUSLIM SALEEM – 18 AUGUST 2018 TUM KAHAN SAY ZINDAGI MAIN AA GAYE

MUSLIM SALEEM – 18 AUGUST 2018

TUM KAHAN SAY ZINDAGI MAIN AA GAYE

HAM ACHANAK RAUSHNI MAIN AA GAYE

HAM NAHEEN THAY WO JO HAM DIKHNAY LAGAY

DEHR KI SHEESHAGARI MAIN AA GAYE

DEKH LEEJAY HAM HUAY KYA KAAMYAB

KITNAY CHEHRE HAMSARI MAIN AA GAYE

RASM E BANDAPARWARI KAR DO ADA

HAM TUMHARI BANDAGI MAIN AA GAYE

KAANPTAY ANJAAM SAY HOTA JO HOSH

HAM YAHAAN DEEWANGI MAIN AA GAYE

Posted in Muslim Saleem's works | Leave a comment

Muslim Saleem ka majmoo’a “Sarmaya” unicode main parhen

سرمایہ
(کلام مسلم سلےم)

مرتبہ
عطاءاللہ فیضان

کتاب کا نام : سرمایہ (کلےاتِ مسلم سلےم)
شاعر : مسلم سلیم
ترتیب : عطاءاللہ فیضان
اشاعت :
قےمت :
ناشر :
پتہ :
طباعت :

عرضِ مصنف

ؑ میرا پہلا مجموعہ ”آمد آمد“ ۰۱۰۲ میں شایع ہوا تھا ۔ دریں اثنا ءمتعدد نئی غزلیں اور قطعات بھی خلق ہوئے ہیں۔ ایک اور خوش آیند بات یہ ہوئی کی فیس بک اور انٹرنیٹ پر میری شاعری اور اردو کے لئے پر خلوص خدمات سے متاثر ہو کر دنیا کے ۵۳ شعراءنے مجھ پر منظوم۹۵ نذرانے تحریر کر دئے۔میری دو غزلوں پر متعدد منظوم اور نثری تبصرے بھی کئے گئے ہیں۔ زیرِ نظر مجموعے میں یہ سب کچھ مجتمع کر دیا گیا ہے تاکہ قاری کے ذہن میں قلمکار کی مکمل تصویر ابھر سکے۔میری شخصیت اور شاعری پر اب تک تحریر کردہ سبھی مضامیں بھی اس مجموعے کی زینت ہیں۔ امید کہ پسند آئیں گے۔

مسلم سلےم
Muslim Saleem,
280, Khanugaon,
Near Masjid Bismillah
Bhopal 462001
Mob 09893611323
e-mail saleemmuslim@gmail.com

فہرست

صفحہ

عرضِ مصنف ۔۔1

.پیش لفظ۔علامہ کوثرصدیقی

.1 معاصرین کی نظرمیں مسلم سلیم
2 دنیا کے۵۳ شعراءکے مسلم سلیم کو۵۵ منظوم خراج عقیدت ۔۔
3 کلام ِ مسلم سلیم حصہ اول۔ا ٓمد۔آمد ۔۔۔
.4 کلامِ مسلم سلیم حصہ دوم ©”باز۔آمد©©“ ۔۔۔

۔
.5قطعات ۔۔۔
.6 مفرداشعار
.7یکم مئی ۷۱۰۲کے بعدکے اشعار
.8خودنوشت©©”مسلم سلےم۔کےا بودوباش پوچھو ہو“

پیش لفظ
غزل کا بادشاہ مسلم سلےم

مسلم سلےم کو علمی و ادبی گھرانے کے اعتبار سے نجیب الطرفین کہا جائے تو غلط نہ ہوگا۔ ان کے پر۔نانااپنے دور کے مشہور دانشور سید عبدالباقی ان تاریخی ہستیوں میں ہےں جو محمڈن اینگلو اورئینٹل کالج علی گڑھ کے ابتدائی پانچ طلبا میں شامل تھے۔آپ کے والد بزرگوار ڈاکٹر سلیم واحد سلیم بھی علی گڑھ مسلم یونیورسٹی کے طبیہ کالج سے فارغ التحصیل تھے جان کی تعلیم و تربیت اپنے پھوپھا ڈاکٹر عطاءاللہ بٹ کی زیرِ نگرانی ہوئی تھی جو اس دور میں جرمنی سے اےم ڈی کرنے کے بعد مسلم یونیورسٹی کے طبیہ کالج کے موسّس (founder ) پرنسپل اور امراضِ چشم کے شہرت ےافتہ معالج تھے۔ دادا محترم عبدالواحد بینک آف تہران (ایران) میں جنرل مینیجر تھے۔ دادی محترمہ فخرالسادات قاجاری خاندان کی شہزادی تھیں۔ مسلم سلےم کے والد اور پھوپھیوں کی مادری زبان فارسی اور ثانوی زبان فرانسیسی تھی۔ اس طرح وہ نسبی لحاظ سے بھی نجیب الطرفین ہےں Continue reading

Posted in Muslim Saleem's works | Leave a comment

CHARCHA NAHEEN KIYA….MUSLIM SALEEM – 13 AUGUST 2018

MUSLIM SALEEM – 13 AUGUST 2018
HAM NAY KABHI WAFAAON KA CHARCHA NAHEEN KIYA
WO BHI NIBHAA DIYA HAI JO WAADA NAHEEN KIYA
POSHEEDA AARZU’ON KO RUSWA NAHEEN KIYA
DIL KHOOn KIYA HAI AANKH KO DARYA NAHEEN KIYA
MEHFIL MAIN JAHILON KI RAHE PUR WAQAAR HAM
CHUP CHAAP LAUT AAYE TAMAASHA NAHEEN KIYA
CHIDIYA KO KYA UDAA KAY KOI BAAZ LAY GAYA
WAA AAJ US HASEEn NAY DAREECHA NAHEEN KIYA
MAULA KA YE KARAM HAI KE MUSLIM HAR EK KAAM
YUN KAR LIYA HAI HAM NAY KE GOYA NAHEEN KIYA

Posted in Uncategorized | Leave a comment

CHANDNI MAIN NAHEEN, RAUSHNI MAIN NAHEEN

MUSLIM SALEEM – 12 AUGUST 2018
CHANDNI MAIN NAHEEN, RAUSHNI MAIN NAHEEN
US MAIN KUCCH KHAAS HAI JO KISI MAIN NAHEEN
PHIR BHI MANSOOB US SAY KARTE HAIN SAB
ZIKR JISKA MIRI SHAIRI MAIN NAHEEN
KUCHH KHAFA, KUCHH HAYA, KHAMUSHI HI SADA
KAISI KAISI ADA BERUKHI MAIN NAHEEN
LAB PE AAYA HAI USKE JO HARF E WAFA
AISI SHEEREENI TO CHASHNI MAIN NAHEEN
SAANS SAZINDE KI KHEL KARTI HAI SAB
WARNA KOI HUNAR BAANSURI MAIN NAHEEN

Posted in Muslim Saleem's works | Leave a comment

KISI KE DAR PE HAMARI JHUKI JABEEN TOU NAHEEN

MUSLIM SALEEM – 3 AUGUST 2018

KOI HAMARA SIWAA E KHUDA NAHEEN TOU NAHEEN
MILAA HAI PYAAR SE LEKIN INAAD KA KHANJAR
KAHEEN CHHUPAYE HUAY TERI AASTEEn TOU NAHEEN
KABEER, NANAK O GAUTAM KA DESH THAA JO KABHI
WAHI HAI DESH MAGAR AB YE WO ZAMEEN TOU NAHEEN
CHHUPA KE TAAQ MAIN TU SACH KO RAKH NA PAAYE GAA
GUMAAn HAI YEH, MUTAZALZAL TIRA YAQEEN TOU NAHEEN
AGAR HABEEB E KHUDA KI NAHEEN DILI TAAZEEM
ZARAA YE DEKH KE KHATRAY MAIN TERA DEEN TOU NAHEEN

Posted in Muslim Saleem's works | Leave a comment

MUSLIM SALEEM – 31 JULY 2018 ….chhina hai jab say


HAALAT E DIL…………………………………………………………
CHHINA HAI JAB SE SAHARA KISI KI BANHON KA
NA AANSUON KA THHIKANA HAI AUR NA AAHON KA
UDAAS HO KAY BHI NAGHMA SARAA HOON WAQT E SAFAR
KE DIL BEHELTA RAHE IN UDAAS RAHON KA
KABHI IDHAR HAI NIGAH -E JAHAN KABHI HAI UDHAR
MUKALAMA HE NIGAHON SE JAB NIGAHON KA
HAALAT E HAZIRA…………………………………………………….
KISAY PATAA HAI KE LYNCHING KAHAAN PE HO JAYE
PATA BADALTA HI REHTA HAI QATL-GAHON KA
HAMARAY DAUR MAIN JAB NAUJAWAN MILTAY HAIN
BAKHAAN KARTAY HAIN SAB FAKHRIYA GUNAHON KA
WATAN-FAROSH HAIN, TV DEBATE MAIN AKSAR
SABAQ PARHAATAY HAIN NAFRAT KI DARSGAHON KA

 

Posted in Muslim Saleem's works | Leave a comment

MUSLIM SALEEM ….GHAR MAIN DAULAT KE AMBAAR HOTAY

MUSLIM SALEEM – 17 JULY 2018
GHAR MAIN DAULAT KE AMBAAR HOTAY
KASH HAM BHI “SAMAJHDAR” HOTAY
BAY-SARI MAIN BHI SARDAR HOTAY
BAY ZAMEEN KAY ZAMEENDAR HOTAY
THODA RAKH LETE KHUD KO BACHA KAR
THODA BIKNAY KO TAYYAR HOTAY
CHALTAY SAUDAY KAY QALEEN PAR HAM
PAAON KAY NEECHAY KYOON KHAR HOTAY
PHIR KHAYAL AYA HAM TOU HAIN MUSLIM
DHAT TIRAY KI JO YUN KHWAR HOTAY

Posted in Muslim Saleem's works | Leave a comment

MUSLIM SALEEM – ghazal….WUFOOR E TASHNAGI KA SAAMNA HAI

MUSLIM SALEEM – 19 JULY 2018
WUFOOR E TASHNAGI KA SAAMNA HAI
SAMANDAR KHALI KHALI LAG RAHA HAI
KABHI RUK JAYE TO DIL KAANPTA HAI
KE JAISE DARD HI AB TOU DAWA HAI
LIBAADA JHOOT KA KYUN ORHTAA HAI
TU KEH DE SACH AGAR SACH JAANATA HAI
BASEERAT KAR NAZAR SEENE KE ANDAR
YAHAAN DEKHE YAHAAN TOOFAN UTHHA HAI
SUNA HAI KUFR MAYOOSI HAI MUSLIM
LABON PAR PHIR DUA E NAA-RASAA HAI

Posted in Muslim Saleem's works | Leave a comment

MUSLIM SALEEM -27 SEPTEMBER 2017

MIL NA PAYEGA TUJHAY BAAT BARHAATA KYOON HAI
CHAND KI SAMT YE TU HAATH BARHAATA KYOON HAI
WO MUSAFIR KISI MANZIL PAY UTAR JAYEGA
BAY SABAB US SAY MULAQAAT BARHAATA KYOON HAI

Posted in Muslim Saleem's works | Leave a comment

MUSLIM SALEEM – 29 SEPTEMBER 2017

HAR ADAA SAY HAMEN WO SATAANAY LAGAY
KUCCH NA SOOJHA TO BAS MUSKRAANAY LAGAY
HIJR MAIN YAAD KAY YUN NISHAANAY LAGAY
GHAM HAMEN AUR HAM GHAM KO KHAANAY LAGAY
SAB SAY MILTAY RAHAY IK ZAMANAAY TALAK
KHUD SAY MILNAY MAIN HAMKO ZAMAANAY LAGAY
JAB WAFAAON MAIN NAAKAM WO HO GAYE
BAY WAFA KHUD HAMEN HI BATAANAY LAGAY
DIL NAY HAMKO SANBHAALA HAI MUSLIM WAHAAN
AQL KAY HOSH JIS JAA THIKAANAY LAGAY

Posted in Muslim Saleem's works | Leave a comment

MULIM SALEEM – 1 OCTOBER 2017

DIL-NASHEEN AUR JAHAAN-GEER BANAA DI HAM NAY
BAAT YUN QABIL E TAHREER BANAA DI HAM NAY
APNE CHEHRE KO BHALA DEKHTE RETHE KAB TAK
AAINAY PAR TIRI TASWEER BANAA DI HAM NAY
MUSTAQIL KOI THIKAANA TAJHAY MILTA HI KAHAAN
GHAM E JAANAN TIRI TAQDEER BANAA DI HAM NAY
HAM GIRAFTAAR HUAY TAB MILI SHUHRAT IS KO
ZULF THI YAAR KI ZANJEER BANAA DI HAM NAY
WAR MUSLIM PAY JO KARNA THAA, MUKHALIF PE HUA
CHAAL DUSHMAN KI THI, TADBEER BANAA DI HAM NAY

Posted in Muslim Saleem's works | Leave a comment

MUSLIM SALEEM – 2 OCTOBER 2017

JAB TU NAHEEN TOU DIL MAIN ARMAAN KUCHH NAHEEN HAI
KHAALI PADAA HAI KAMRA, SAAMAN KUCHH NAHEEN HAI
MATLAB KAY IS JAHAAN MAIN INSAAN KUCHH NAHEEN HAI
IS SAY ZYADA BARH KAR BUHRAAN KUCHH NAHEEN HAI
SACH HI TOU KEH RAHAY HAIN IMAAN BECH KAR WO
JO LOG KEH RAHAY HAIN IMAAN KUCHH NAHEEN HAI
DARTAA HAI DEKHNAY SAY AAIEENA PUSHT APNI
USMAIN CHAMAK, NA CHEHRA IMKAAN KUCHH NAHEEN HAI
APNI MISAAL KHUD HAI, MUSLIM KI SHAIRI KO
TAULAY GI KAISE DUNIYA MEEZAN KUCHH NAHEEN HAI

Posted in Muslim Saleem's works | Leave a comment

MUSLIM SALEEM – 9 October 2017

PEECHHAY JO CHHUT GAYA HAI WO MANZAR NA DEKHNAA
PATTHAR KAY HO NA JAO, PALAT KAR NA DEKHNAA
BAYHIS JAHAAN KAY HAATH MAIN PATTHAR NA DEKHNAA
JAB ISHQ MAIN PADAY HO TO PHIR SAR NA DEKHNAA
KITNAA BHARAA HAI JAAM BAS IS PAR RAHE NAZAR
HARGIZ BHI KITNA KHAALI HAI SAGHAR, NA DEKHNAA
TABEER USKI KHAAR HAIN RUSWAAIYON BHARAY
KHWABON KAY US GULAAB KO CHHOO KAR NA DEKHNAA
SHAAIQ MIRAY SUKHAN KAY KABHI MUJH PAY KAR NAZAR
KYOON DAAIRON KO DEKHNA, MEHWAR NA DEKHNAA

 

Posted in Muslim Saleem's works | Leave a comment

Muslim Saleem . ghazal – mahabbat main anaa kya naam kya hai

Muslim Saleem
MAHABBAT MAIN ANAA KYA? NAAM KYAA HAI?
ANAA HAI TO WAFAA KA KAAM KYAA HAI?
SAZAAON PAR SAZAA-EN DAY RAHAA HAI
BATAYE TO SAHI ILZAAM KYA HAI?
BICHHAD KAR US SAY PHIR HUM NAY NA JAANA
SUKOON KYA CHEEZ HAI, AARAM KYA HAI?
AGAR DEKHO, SHIKAST-E-DIL KO DEKHO
NA YEH DEKHO SHIKAST-E-JAAM KYA HAI?
KISI KI YAAD DAFNAANE CHALE HAIN?
JAHAAN-E-DIL MEN YAH KOHRAAM KYA HAI?

(Graphics courtesy : Haris Bilal

 

 

 

Posted in Muslim Saleem's works | Leave a comment

Muslim Saleem – naatiya qata

mustafa mujtabaMUSLIM SALEEM
JITNI TAREEF KI JAYE KAM, MUSTAFA MUJTABA MUHTARAM
AAP KE HAIN GHULAMOON MEIN HUM, MUSTAFA MUJTABA MUHTARAM
MUTMAIN HAIN BAHUT ZINDAGI SAY, RAAH RAUSHAN HAI NOOR-E-NABI SAY
DAGMAGHATAY NAHEEN HAIN QADAM, MUSTAFA MUJTABA MUHTARAM

Posted in Muslim Saleem's works | Leave a comment

MUSLIM SALEEM (HAPPY MOTHER’S DAY)

MUSLIM SALEEM (HAPPY mamtaMOTHERS DAY)

MU’JIZA BAY MISAAL MAULA KA

MAAN KI MAMTAA KAMAL MAULA KA

BAARHA MAAN KO DEKH KAR MUSLIM

AA GAYAA HAI KHAYAAL MAULA KA

Posted in Muslim Saleem's works | Leave a comment

NAZR-E MUSLIM SALEEM – AHMED ALI BARQI AZMI

barqi muslim shahkarNAZR-E MUSLIM SALEEM – AHMED ALI BARQI AZMI
HAIN JO MUSLIM SALEEM KE ASHAAR
BESHTAR UN MEIN HAIN HASEEN SHAKAR

DILNASHEEN HAI SHAOOR-E-FIKAR O FUN
HAIN WO ASRِ-E-JADEED KE FANKAR
APNI URDU NAWAZIYON KE LIYE
DAAD O TEHSEEN KE HAIN WO HAQDAAR
EHD-E-HAAZIR MEIN UN KA HUSN E BAYAN
JAUHAR FIKR O FUN KA HAI IZHAAR
KYUN NA HAR DIL-AZIZ HO BARQI
UN KI GHAZLON KA DILNASHEEN MEYAAR

Posted in Muslim Saleem's works | Leave a comment

Poetic tributes to Hazrat Khwaja Ghareeb Nawaz by Muslim Saleem

MUSLIM SALEEM khwaja ka darbar

HO SHAH-E-WAQT KOI BHI MAGAR HAIN YE SARDAR

YAHAN SAY CHALTA HAI HINDOSTAN KA KAROBAR

JAHAN JHUKATA HA SAR HAR KOI YE WO DAR HAI

HAREEM-E-FAIZ HAI KHWAJA MOEEN KA DARBAR

Posted in Muslim Saleem's works, Uncategorized | Leave a comment

Muslim Saleem …. Kahan ansoo bahana hai

ansoo

Image | Posted on by | Leave a comment

MARHOOM PROFESSOR AFAQ AHMED SAHIB KO KHAIRAJ E AQEEDAT : MUSLIM SALEEM

afaq sb naheen rahe

MARHOOM PROFESSOR AFAQ AHMED SAHIB KO KHAIRAJ E AQEEDAT : MUSLIM SALEEM

WO TOOTA AAJ JO AFAQ KA ROSHAN SITARA THA

WUJOOD USKA KHULOOS-E-BEKARAAN KA ISTEARA THA

MUBARRA ZAAT THI JISKI GIROHOON KI SIYASAT SE
ADAB KE BHAR KA MUSLIM WO IK AISA KINARA THA

PROFESSOR AFAQ AHMED SAHIB AAJ 30TH MARCH 2016 KO IS DAAR E FAANI KO ’ALVIDAH’ KEH GAYE. INNAA LILLAHI WA INNAA ILAIHI RAJIOON.

Posted in Muslim Saleem's works | Leave a comment

Nazrana Bahuzur Risalat Muaab (SA) by Irshad Mahmood Qadri

irshad mahmood qadri

Image | Posted on by | Leave a comment

Muslim Saleem – qata – Muhibban e mulk gerwa

gerwa

Image | Posted on by | Leave a comment

Musim Saleem WITH MATERNAL COUSIN Khwaja Shahid

khwaja shahidFORMER PRO VICE CHANCELLOR OF MANUU AT ALL INDIA MUSLIM EDUCATIONAL CONFERENCE AT BHOPAL ON MARCH 5 2016

Posted in Muslim Saleem's works | Leave a comment

MUSLIM SALEEM…. HAI JIS KE PAAS PAISA

kehte hainMUSLIM SALEEM
HAI JIS KE PAAS PAISA US KO IZZAT DAAR KEHTE HAIN
ISI PAR BAS NAHI HAI SAHIB-E-KIRDAAR KEHTE HAIN
SIPAHI WOH KE JO MAIDAN MEIN SAR APNA KATAATA HAI
JO KHEMAY SE HIDAAYAT DAY USAY SALAAR KEHTE HAIN
IMAARAT WOH KE JIS SE QUWWAT UL ISLAM ZAHIR HO
YAHI HAI WOH ISI KO TO QUTUB MINAAR KEHTE HAI HAIN
HAMESHA SHORT CUT SE KAMYABI MIL NAHI SAKTI
NA SAMJHAY GA JAWAAN KHOON AAP YEH BEKAR KEHTE HAIN
HAMEIN NAADINIYON PAR APNI MUSLIM FAKHR HAI KYOON KE
CHALAN YE HAI KE BAY IMAAN KO HUSHYAR KEHTE HAIN

Posted in Muslim Saleem's works | Leave a comment

Khwaja Haleem – great but lesser known Muslim leader of UP

click the link

http://khojkhabarnews.com/2016/06/27/khwaja-haleem-great-but-lesser-known-muslim-leader-of-up-by-muslim-saleem/

Posted in Muslim Saleem's works | Leave a comment

Muslim Saleem – Dhalti Naheen Hai Raat

patthar ki shamaMUSLIM SALEEM

PATHAR KI KYA HAI SHAMA, PIGHALTI NAHEEN HAI RAAT
HO YAAD KA UROOJ TO DHALTI NAHEEN HAI RAAT
SHAB BHAR TAPAATI REHTI HAI BAS AIK AANCH PAR
MAANA KE DIN KI MISL UABLTI NAHEEN HAI RAAT
SHAYAD TUMAHRAY ANAY SE QABOO MEIN AAYE YEH
HUM SE KISI BHI TARHA SAMNBHALTI NAHEEN HAI RAAT
MUSLIM NIZAM NIZAM E QADR O QAZAA HAI BOHAT ATAL
DIN LAAKH SAR KO PATKAY PA TALTI NAHEEN HAI RAAT

Posted in Muslim Saleem's works | Leave a comment

MUSLIM SALEEM . MUKHTALIF QAWAFI KE SATH AIK HI ZAMEEN AUR RADEEF KE SATH DO GAZLEEN

do ghazla seekhJAWAB E JAHILAAN HAI YEH, UNHEIN ZINDEEQ BOLI HAI
JAHAN CHUP REH GAYA HOON MEIN, MIRI THAQLEEQ BOLI HAI
UNHEIN KO NAAMZAD KARKAY HAR IK TASDEEQ BOLI HAI
ABU BAKR E RAZI ALLAH KO SIDDEEQ BOLI HAI
KISI SOORAT BHI USKO NAZR-E AATISH KAR NAHEENI SATKE
HAMARAY HAQ MEIN DAR ATISHKADA TAHREEQ BOLI HAI
YAQEENAN SATH MUSLIM KE KOI TAYEEDِ E GHAIBI HAI
KE USKAY SHAIR MEIN ALLAH KI TAUFEEQ BOLI HAI

(2)
WOH HUM SE HAAR KAR, LAMBI LAGAA KAR CHEEKH BOLI HAI
YE ANSAN JAL NAHI SAKTA HAI HAR IK SEEKH BOLI HAI
SABHI AADAAB E DEEN O ZINDAGI HUM NE SIKHAYE HAIN
FASANAY LAAKH GARH LO, SACH MAGAR TAREEKH BOLI HAI
MALAMAT KI HAI AJRAAM E FALAK NE USKI JEE BHAR KAR
KISI KI MASLIHAT SOORAJ KO JAB MIRREEKH BOLI HAI
BULAND O BANG DAAWAY PHUSPUSAA KAR RAHAY GAYE MUSLIM
KHAMOSHI NE MIRI WOH KEH DIYA JO CHEEKH BOLI HAI

Posted in Muslim Saleem's works | Leave a comment

Muslim Saleem Ghazal…. Pee raha hoon main

pee raha hoon mainMUSLIM SALEEM

YE SOCH KAR HI ASHK HAR IK PEE RAHA HOON MAIN

WO KHUSH RAHEN KE JIN KE LIYE JEE RAHA HOON MAIN

KUCHH SOCH KAR HADON SE NIKALTA NAHEEN KABHI

YANI KHUD APNAY AAP KA QAIDI RAHA HOON MAIN

BAATIL SAY KUCCH BHI HAAL HO MUMKIN NAHEEN NIBAH

HAR CHAND TOOT JAAON WO ZIDDI RAHA HOON MAIN

IZHAAR-E-ISHQ-E-YAAR-E-MUSALSAL TO DEKHNA

SIRRI KABHI RAHA, KABHI JEHRI RAHA HOON MAIN

AI SHAIRO! ADEEBO! YE KATRAANA KIS LIYE

YARO TUMHARE SHEHR KA SHEHRI RAHA HOON MAIN

KHAKASTAR-E-BADAN SAY YE SAABIT NAHEEN HAI KYA?

MUSLIM KISI ZAMAANE MAIN BIJLI RAHA HOON MAIN

Posted in Muslim Saleem's works | Leave a comment

GHAZAL FAATEH : MUSLIM SALEEM

FATEHMUSLIM SALEEM
FAATEH HO HAR KHUSHI KA, HAR EK GHAM KO JEET LAY
GAR TUJH MAIN YE SIFAT HAI TO AALAM GHAM KO JEET LAY
LAA ETBAAR BAKHT KAY HAR KHAM GHAM KO JEET LAY
DIL GAR BADALTAY RANG KE MAUSAM GHAM KO JEET LAY
KYA ZIKR DOSTON KA, IK AALAM GHAM KO JEET LAY
SHEEREEN-DAHAN TO DUSHMAN-E-BARHAM GHAM KO JEET LAY
MAIDAN HAM NE CHHOD DIYA HAI KHULA HUA
HAM KHUD YE CHAHATAY HAIN KOI GHAM KO JEET LAY
RETHA HAI USKA GHAO TAR-O-TAAZA HAR GHADI
MUSLIM HAI YE WO ZAKHM JO MARHAM GHAM KO JEET LAY

Posted in Muslim Saleem's works | Leave a comment

Naya saal: by Muslim Saleem

matlabnaya naya.gif

Posted in Muslim Saleem's works | Leave a comment

MUSLIM SALEEM – SHEHZADA E ANAA

shehzadaMUSLIM SALEEM

HILMAN KAY PAAR DEKHA JO SHEHZADA E ANAA
US DIN KHULAY GA USKA BHI DARAWAZA E ANAA
LAKHON PADAY HAIN DEHR MAIN DARMANADA E ANAA
CHALNA SAMBHAL SAMBHAL KAY BA ANDAZA E ANAA
TAKRAA NA JAAO AUR KISI KI ANAA SAY TUM
DEKHO BAHUT KHARAAB HAI YE JAADA E ANAA
ANJAAM KHUDSARON KA HAMAARI NAZAR MAIN HAI
IK DIN BIKHAR HI JAYEGA SHEERAZA E ANAA

Posted in Muslim Saleem's works | Leave a comment

Baaz aa jaao: Muslim Saleem

uda dete hainMUSLIM SALEEM
UAA DETE HAIN JO SCHOOL KE MASOOM BACHCHON KO
FANAA KAR DETE HAIN TAYYARAY JIN KE ASPATALON KO
JINHON NE MAAR DALA HAI KARORON BAY GUNAAHO KO
BILAD E MAGHRIBI AB RO RAHAY HAIN APNI JAANUN KO
BATAYEN MASHRIQ E WASTAA MEIN UN KA KAAM HI KYA HAI
BANAYA HAI WAHAN KA MUNTAZIM AUR MUHTASIB KIS NE
YEH BEHTAR HAI KE BAZ AAJAYEN BAYJA DAKHAL DAY NE SE
YEH SAB SHAITAN KE CHELE YEH ISRAEL KE CHAMCHAY

Posted in Muslim Saleem's works | Leave a comment

محمدعباد خان شمس بھوپالی ایک درخشاں ستارہ جو ڈوب گیا:مسلم سلیم

تعزیتی اجلاس میں نوجوان شاعر کو خراجِ عقدت پیش کیا گیاIBAD SOLO 2
بھوپال (26 اکتوبر2015) بھوپال اردو ادب کی زرخیز سرزمین ہے۔ اس نے شعری بھوپالی، کیف بھوپالی، سراج میر خاں سحر جیسے شعراءسے فیض حاصل کیا ہے۔ گذشتہ تین دہائیوں سے حکومت کی عدم سر پرستی اور اور خود اردو داں طبقہ کی بے رغبتی کے باعث نئے اردو شعراءو ادباءکا بھوپال میں ظہور نہیں ہو رہا تھا۔ جو شاذونادر نئے چہرے دکھائی دیتے تھے وہ بھی اتر پردیش اور بہار سے یہاں بہ سلسلہ ¿ ملازمت آئے ہوئے ہیں۔ ان نئے چہروں میں سب سے تابناک ستارہ محمدعباد خان شمس بھوپالی تھا جو  25اکتوبر2015 کو دل کا دورہ پڑنے سے اچانک غروب ہوگےا۔ (اناّ للہ و اناّ الیہ راجعون) ۔
ہم سخن ادبی تنظیم کی جانب سے ایک تعزیتی اجلاس میںبھوپال کے اس نوجوان شاعر کو خراجِ عقدت پیش کیا گےا۔ شاعر اور صحافی جناب مسلم سلیم نے بتایا کہ وہ گذشتہ ایک سال سے انکے حلقہ بگوش تھے۔انھوں نے بتایا یہ کہ اس سے پہلے انھوں نے کبھی شعر نہیں کہے تھے لیکن مجھ سے اور میری شاعری سے متاثر ہو کر انھوں نے شعر کہنا شروع کردئے تھے۔ کافی دنوں بعد انھوں نے اےک غزل بغرضِ اصلاح ارسال کی۔ ابتدائی مراحل کے اشعار تھے۔لیکن فنی نکات سے قطع نظر مجھے اےک با ت بہت نماےاں نظر آئی کہ یہ اک سوچنے والے شخص کی شاعری ہے جس کا مستقبل تابناک ہوگا۔ گذشتہ ۶ ماہ کے دوران وہ غزلیں بھیجتے رہے اور بعد میں خود غریب خانہ پر آکر اصلاح لیتے رہے۔ ہر بار ان میں بے حد امپروومنٹ دیکھنے کو ملا۔ اور اب تو یہ عالم ہو گیا تھا دو غزلے بھی بڑی صفائی کے ساتھ کہنے لگے تھے۔
مشہور شاعر جناب ثروت زیدی نے بتایاکہ محمد عبادخاں شمس بھوپا لی اچھا شاعر ہونے کا ساتھ ساتھ بے حد مخلص اور ملنسار بھی تھے۔ وہ بھوپال کی ادبی نشستوں کی روحِ رواں بنتے جا رہے تھے۔ ان کے انتقال سے اردو ادب کا نقصانِ عظیم ہوا ہے ۔
ہم سخن کے صدر جناب سلیم قریشی نے کہ کہا کہ محمد عبادخاں شمس بھوپالی مکمل شاعر تھے اور فیس بک پر مشہور اور مقبول ہو رہے تھا۔لیکن ستارہ چڑھنے سے پہلے ہی ڈوب گےاجس سے تما م دنیا اس سے ضیا ءبار ہونے والی تھی۔
تنظیم کے سکریٹری جناب عبدالاحد فرحان نے بتاےا کہ محمدعباد خان شمس بھوپالی جناب عارف محمد خان صاحب اورمحترمہ لُبنیٰ بیگم کے صاحبزادہ تھے جو تقریباً ۵۲ برس قبال ۷ جون کو بھوپال میں تولد ہوئے تھے۔ آپ نے بے نظیرکالج بھوپال سے تعلیم حاصل کی اور ایم ۔پی ۔ اسٹیٹ الیکشن اتھارٹی میں کمپیوٹر آپریٹر کے عہدے پر فائز تھے۔
اس موقعہ پر تنظیم کے ارکان جناب عطا ءاللہ فیضان، سمیر فیروزی، کاشف خان، توصیف خان، زیبا اکرم، سنجے گائکواڑ اور ادب نواز حضرات موجود تھے۔ نشست میں ۲ منٹ سکوت اختیار کرکے محمدعباد خان شمس بھوپالی کو خراجِ عقیدت پیش کیا گیا اور دعائے مغفرت کی گئی

Posted in Uncategorized | Leave a comment

IMAN FM AUR MUHTARMA KAUSAR SHAH KI NAZR: MUSLIM SALEEM

kausar shah

BAHUT RADIO PAR SUNAY HONGE NAGHME


MAGAR UN MAIN BEHTAR HAI IMAN FM

HAI YE MEHFIL E SHAH KAANON KI JANNAT


SAJI BAZM E KAUSAR HAI IMAN FM

Posted in Muslim Saleem's works | Leave a comment

Muslim Saleem ka interview live

bazm e sukhanBazm e Sukhan, FM Radio, Sheffield, England ki anchor mohtarama Kausar Shah ka Muslim Saleem se ek ghante ka live interview 6 September, 2015 ko nashr kiya gaya.

Posted in Muslim Saleem's works | Leave a comment

Muslim Saleem – Ghazal Suraj Chand Sitaron…

MUSLIM SALEEMsuraj chand
SOORAJ CHAND SITRAON PAR AUR SAYYARON PAR LIKHTA HOON
LEKIN KAB MAIN APNI QAUAM KAY GHADDARON PAR LIKHTA HOON
KASH ATAA HO JAYE MUJHAY BHI SHAH ZAFAR KI IS SHUHRAT
QAIDI HOON MAIN JAIL MAIN BAITHA DEEWARON PAR LIKHTA HOON
LAHN-E-DAWOODI TO NAHEEN HAI, LEKIN SHAYAD HO MAQBAOOL
NAAM KISI KA TAAN AUR LAI SAY KUHSAARON PAR LIKHTA HOON
MUSLIM US DAM SAB MUJHKO DEEWANA KEHNE LAGTAY HAIN
TERAY NAAM KA JAB BOSA MAIN ANGARON PAR LIKHTA HOON

Posted in Muslim Saleem's works | Leave a comment

APNAY BACHCHON ATAULLAH FAIZAN AUR ABDUL AHAD FARHAN KAY NAAM: Muslim Saleem

meray bachchoMERAY BACHCHO!

KHUD KO MUJH SAY ZIYADA QABIL SAMJHO
TUM MUJH SAY BHI AAGE NIKLO
YAHI MIRI TAMANNA HAI
KYOON KE TUMAHARA QAD BARHNAY SAY
MERA QAD KUCHH AUR BARHAY GA!

Posted in Muslim Saleem's works | Leave a comment

Mujiza: Muslim Saleem

mujizaMUJIZA AISA KE DEKHA HAI JISAY SADIYON NAY
YAAD RAKHTAY HAIN JISAY PEER-0-JAWAAN AAJ TALAK
CHAND PAR JAA KAY KHALA-BAZON NAY DEKHA MUSLIM
TOOT KAY JUDNAY KE BAQI HAIN NISHAN AAJ TALAK

Posted in Muslim Saleem's works | Leave a comment

MUSLIM SALEEM . NAYE ZAIQE KI GHAZAL

tabsiraTABSIRA MUJH SAY NA KARWAO KE SACH KEHTA HOON MAIN
HAI YAHI BEHTAR, CHALE JAO KE SACH KEHTA HOON MAIN
SEEKH-PAA KYON HO GAYE CHHOTI SE SACHCHI BAAT PAR
ZOR SAY ITNA NA CHILLAO KE SACH KEHTA HOON MAIN
BAAT JAB HO HUSN SAY TO JHOOT BATEN HAIN RAWA
SOCH KAR TUM YE NA GHABRAO KE SACH KEHTA HOON MAIN
KYOON YAQEEN KARTA NAHEEN HAI KOI MERI BAAT PAR
TUM HI MUSLIM SAB KO SAMJHAO KE SACH KEHTA HOON MAIN

Posted in Muslim Saleem's works | Leave a comment

Aao Islam hi say pyar karen: Muslim Saleem

tafriqa

Image | Posted on by | Leave a comment